Aðbúnaður, hollustuhættir og öryggi á vinnustöðum
940. mál á 153. löggjafarþingi.
Félags- og vinnumarkaðsráðherra.
Markmið
Að hægt sé að meta hvort lagaleg skilyrði um hámarksvinnutíma og lágmarkshvíld og vikulegan frídag séu virt sem og hvort starfsfólk hafi fengið hvíld síðar ef vikið er frá reglum um hvíldartíma og vikulegan frídag samkvæmt lögum eða kjarasamningum.Helstu breytingar og nýjungar
Lagt er til að innleidd verði með fullnægjandi hætti tiltekin ákvæði í tilskipun 2003/88/EB um ákveðna þætti er varða skipulag vinnutíma. Lagt er til að atvinnurekendum verði skylt að koma upp áreiðanlegu og aðgengilegu kerfi til vinnutímaskráningar starfsfólks, sem innihaldi m.a. upplýsingar um daglegan og vikulegan vinnutíma sem og upplýsingar um á hvaða tíma sólarhrings unnið er, samfelldan hvíldartíma og vikulegan frídag.Breytingar á lögum og tengd mál
Lög um aðbúnað, hollustuhætti og öryggi á vinnustöðum, nr. 46/1980.Kostnaður og tekjur
Ekki er gert ráð fyrir áhrifum á ríkissjóð.Afgreiðsla
Samþykkt með minni háttar breytingum.Aðrar upplýsingar
Tilskipun Evrópuþingsins og ráðsins 2003/88/EB frá 4. nóvember 2003 um ákveðna þætti er varða skipulag vinnutíma.
Niðurstaða Evrópudómstólsins í máli
C55/18 CCOO.
